وظائف خاليه لكل المؤهلات

النهاردة على سبيل التغيير فى محاولة لمساعدة الناس اللى بتدور على شغل وبقالها كتير وزهقت خلينا نتفق إن أسهل طريقة تلاقى بيها شغل هى عن طريق معرفة .. صديق.. قريب يعنى ..واسطة.. المشكلة إن مش كل الناس بتعرف حد خصوصاً لو بقالك كثير برة مصر... طيب أنا حابب أوضح ليكم طرق كتير هتساعدك تلاقى وظيفة ودى فى أغلب الأحيان بتنفع مع الناس اللى خبرتها مش طويلة وبتدور على

أول سلمة فى السلم الوظيفى

كل ما بتزيد سنين الخبرة الموضوع بيكون أصعب وده لسببين هوضحهم ليكم

أول سبب إن الناس اللى فى مستويات وظيفية عالية مش بتسيب الشغل بسهولة وثانى حاجة إن متطلباتك أو توقعاتك بتكون مختلفة مش زى ما كانت من كذا سنة وده طبيعى يعنى بتدور على باكدج حلو من كل الجهات

طيب خلينا تنكلم فى الخطوات

رقم واحد:

إفتح إيميل بإسمك على

ياهو او جيميل او ام اس ان

حتى لو إنت فى شغل ماتستخدمش إيميل الشغل فى التقديم على شغل ثانى

إستخدم إسمك وبلاش الأسامى المستعاره للجديه يعنى بلاش اسماء الدلع اللى بنشفها ولو إسمك متأخد زود رقم بس بلاش تستخدم حاجة غريبة أو إسم الدلع بتاعك تمام

رقم اتنين :

إعمل برفايل بالعربى وبالإنجليزى

رقم ثلاثه :

وده بقى مهم جدا :

تظبيط السيرة الذاتية

C.V

دى من البديهيات اللى محتاج تكون عندك بس كثير مننا معندوش نسخة مستحدثة منها يعنى بتكون قديمة شوية أوالبيانات اللى فيها مش دقيقة

فى مواقع كثيرة بتساعدك على صياغة كوسية

دايماً خلى عندك نسخة فيها أخر بيانات ليك حتى لو إنت بتشتغل

إنشاء الله هأكتب موضوع تانى ازاى تقدر تعمل سيره ذاتيه بشكل جيد

رابع حاجه ودى كلنا بنعملها اكيد :

تعريف الآخرين بإنك بتدور على شغل

إبتدى بردوا بحاجة بسيطه وهى إنك تقول للناس اللى إنت بتعرفها إنك بدور على شغل ... عادى ودى حاجة متكسفش خليك واضح وأطلب لو حد يعرف يساعدك

خامس حاجه لازم تعملها :

إعمل بروفايل ليك على زى

Bayt

Wuzzuf

Jobzella

وفى غيرهم كتير بس دور شويه وانا هنزل موضوع تانى فيه بعض الشركات ...الموضوع بيأخذ شوية وقت بس يستاهل

نيجى بقى لسادس حاجه :

تابع صفحات الشركات على مواقع التواصل الإجتماعى

زى فيسبوك وتويتر و غيرهم... كثير من الشركات بتستخدم صفحتها علشان تعرف الناس على الوظائف الخالية

وده بتعمله عن طريق فولوا لصفحاتهم

سابع حاجه ودى هشرحها قريب للناس اللى مش عارفاها :

إستخدام التنبيهات من جوجل

علشان لما وظيفة تنزل ليها علاقة بمجالك يجيللك إيميل وتقدر تقدم

ثامن حاجه ودى بسيطه :

تابع عدد الجمعة من جريدة الأهرام والوسيط

تاسع حاجه دى رخمه شويه بس بتجيب نتيجه كويسه :

إبعت السيرة الذاتية مباشرة للشركات مع جواب أو إيميل إنك بدور على وظيفة مناسبة تتناسب مع مؤهلاتك

الموضوع من قسم:

تنويه : الصور والفيديوهات في هذا الموضوع على هذا الموقع مستمده أحيانا من مجموعة متنوعة من المصادر الإعلامية الأخرى. حقوق الطبع محفوظة بالكامل من قبل المصدر. إذا كان هناك مشكلة في هذا الصدد، يمكنك الاتصال بنا من هنا.